Gasteizko autobus geltoki berrian Lan-Osasun eta Segurtasun alorrean arau-hausteak daudela salatu du UGT sindikatuak. Txartel-lehiatiletan dauden langileen egoera “jasangaitza” dela adierazi du ohar baten bidez, zero azpiko tenperaturak eta zarata handiak jasan behar dituztelako. Horrekin batera, nasen sarbidean segurtasun neurriak falta direla salatu du sindikatuak.
Era berean, aipatu lan baldintzak Lan Ikuskatzailetzan eta Osalanen salatzeko aukera aztertzen ari da UGT. Bere esanetan, autobus geltokiko gerentziaren erantzukizun dira akats hauek.