Larunbatean milaka lagun bildu zituen Gasteiz koloretsu eta anitza aldarrikatu zuen Gora Gasteiz egunak.
Antolatzaileen arabera, 7.000 pertsona baino gehiagok parte hartu zuten 13.30ean Foru plazatik abiatu zen kalejiran. Egun osoan zehar, hiriko gune ezberdinetan kontzertuak, umeentzako ekintzak, antzerkiak, dantzak eta beste hainbat jarduera egon ziren. Ospakizunerako eta aldarrikapenerako eguna amaituta, Gora Gasteiz herri ekimena desegingo da baina, bertan parte hartu duten elkarte eta eragile guztiek lanean jarraituko dutela adierazi dute.