Astelehenean Ekoran desagertu zen 82 urteko lagunaren gorpua aurkitu dute ostiral arratsaldean bilaketa lanetan parte hartzen ari zirenek. Segurtasun Sailak ezagutzera eman duenez, arratsaldeko seiak aldera aurkitu dute gizonaren gorpua, iristeko zaila den eremu batean.
Ekorako zahar etxetik egunero paseatzera ateratzen zen gizonezkoa, baina astelehenean bueltatu ez zenean alerta piztu zen bere ingurukoen artean, eta larrialdi zerbitzuetara jo zuten haren bila abiatzeko. Ordudanik ertzainek, suhiltzaileek zein inguruko herritarrek haren bilaketa lanetan parte hartu dute, zoritxarreko amaiera hau ezagutu arte.