Azken xehetasunak ematen ari dira Oionen San Prudentzioren ospakizunari. Urtero lez, hilaren 27an danborrada egingo dute. 19:00etatik aurrera, elkarren segidako hiru erretreta joko dituzte, eta 19:30ean, parte hartzaile guztiak Oiongo erdigunean bilduko dira danborrada tradizionala egiteko. Danborradak XXXIII. edizioa beteko du aurten, eta, beti bezala, San Bizente ikastolako Gartxo IGEak antolatu du. Danbor hotsak bukatutakoan, Diamante taldeak girotuko duen dastaketa antolatu du Oiongo kirol elkarteak. Gauean, zezensuzkoa, su artifizialak eta berbena izango dira. Apirilaren 28an, berriz, barraskilo jana izango da, 14:00etan, eta arratsaldean herri kirolak, musika eta zezensuzkoa.
27an egingo dute bertako danborrada, eta 28an, berriz, barraskilo jana eta hainbat ekitaldi izango dituzte.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.