Peru Abarrategiren bertso batek Lapuebla de Labarcako upategiak ireki ditu larunbatean ospatutako Uztaberri egunean. Hara joan diren bisitariek urteko lehen ardoak dastatzeko aukera izan dute. Antolatzaileen izenean, Maite Cordoba alkateak ongi etorria eman die bertaratutakoei, eta sektorearen egoeraz ohartarazi du. Nabarmendu du nekazariek "landa eremuan jarraitzeko nahia eta beharra" dutela, baina, horretarako, agente guztien inplikazioa eskatu du. "Bizitza duin bat ahalbidetuko digun errentagarritasun batekin lan egin behar dugu, eta lehen sektoreak behar duen erreleboa hartzeko belaunaldi berrientzako ere erakargarria izan behar da".