Urte berriari hasiera emanez, aurorak abestu dituzte Arabako Errioxan. Tradizioari jarraiki, hainbat lagun atera dira Errege eguneko bezperan Lantziegon (bideoan), Oionen eta Labrazan. Lantziegoren kasuan, aurora abestu ondoren ratafia dastatzeko aukera izan dute helduek, eta, ondoren, Eliza plazan Errege opila egon da guztientzat. Oionen, lagun talde batek beren-beregi tradizioa berpiztu nahi izan du, eta akordeoiaz lagundu dute abestia. Labrazan, Mariren madalenak izan dituzte.