Mendizale bat hil da gaur, igande goizean, Haroko Maskorrak inguruan, gailur harritsu batetik erorita. Ezbeharra 09:00ak aldera gertatu da, oraindik ezagutzen ez diren arrazoiengatik. Hildakoa 69 urteko gizonezkoa da, San Vicente de la Sonsierrako bizilaguna.
Larrialdi Zerbitzuek berehala jaso dute abisua, eta Ertzaintzaren erreskate talde bat bertaratu da helikoptero batekin, baita suhiltzaileak eta Osakidetzako osasun langileak ere. Dagoeneko berreskuratu dute mendizalearen gorpua. Helikopteroz eraman dute Txagorritxuko Ospitalera, eta handik Auzitegiko Institutu Anatomikora eraman dute.
Haroko Maskorrak kareharrizko arroken arteko kanal naturala dira, Ebro ibaiak Errioxan sartzean sortutakoa. Inguruan Briñas, Buradon Gatzaga (Bastida), Haro eta Miranda Ebro herriak daude, besteak beste.