Arabako Suhiltzaileek jakitera eman dutenez, 08:30ak aldera gertatu da ezbeharra, A-4208 errepidean, Eltziego udalerrian, Assa Ikastolara (Lapuebla de Labarca) bidean zihoan mikro-bus bat bidetik atera eta irauli egin denean.
Ibilgailuaren barruan zeuden ikasleetako bi zauritu dira, apurtutako kristalen eraginez. Berehala, Larrialdi Zerbitzuak bertaratu dira: besteak beste, EAEko eta Errioxako osasun zerbitzuak, Ertzaintza eta Kanpezu eta Guardiako foru parkeetako suhiltzaileak. 09:10ean, anbulantzia batek osasun zentro batera eraman du zauritutako ikasleetako bat.
Bitartean, gainerako ikasleak beste ibilgailu batean eraman dituzte ikastolara. Istripuaren arrazoiak ikertzen ari dira orain.