Duela bi aste, Ekologistak Martxan taldeak iragarri zuen Iberdrola salatu duela linea elektriko bat jartzeko udalerriko babes bereziko eremu batean makalak mozteagatik, Ebro ibaiaren ertzean.
Trantsizio Ekologikoko Espainiako Ministerioak ingurumenaren inpaktuari buruzko txosten bat egin zuen, eta Iberdrolaren proiektu hori baimendu zuen. Alta, txosten horretan argi eta garbi uzten zen lanak zuhaitzak inaustea ekar zezakeela, baina ez moztea, azkenean gertatu den bezala.
Azken egunetan, berriz, Elkarrekin Podemosek ohartarazi du dozenaka arrain hilda agertu direla makalak moztu zituzten eremutik gertu. Hala ere, oraingoz ez dago argi zein izan den animalien heriotzaren arrazoia.
Gertakari honi gehitu behar zaio duela egun batzuk beste ehun arrain (gehienak amuarrainak) agertu zirela Zirauntza ibaian, Araia erdian. Kasu horiek guztiak Batzar Nagusien hurrengo osoko bilkuran aztertu eta eztabaidatuko dira. Izan ere, Elkarrekinek hainbat galdera zuzendu dizkio Josean Galera Ingurumen Saileko foru diputatuari.
Hace una semana llevamos al Pleno de Control de Juntas Generales de Álava el problema de los rios alaveses y la necesidad de extremar la protección de sus ecosistemas y biodiversidad.
— David Rodríguez (@David_Ro_L) September 10, 2022
Ayer localizanos este desastre en Baños de Ebro, Araba 😡👇 pic.twitter.com/osb6xJtyWv