Abian da ikasturte honetan Arabako Errioxako IKA euskaltegian helduak euskara ikastera animatzeko kanpaina, Euskara zuri deika lelopean. Urtero bezala, eskualdean euskara ikasi nahi duen orori matrikulazioa errazteko asmoz, hainbat bilera ireki deitu dituzte herriz herri; besteak beste, ikaslegai kopurua, bakoitzaren maila eta taldea osatzeko ordutegirik egokiena aztertuko dituzte bertan.
Egutegia
|
EGUNA |
LEKUA |
HELBIDEA |
ORDUA |
|
IRAILAK 7 |
Mendabia |
Ziberteka |
20:00 |
|
IRAILAK 8 |
Viana |
Elena Matute aretoa |
09:00 |
|
IRAILAK 8 |
Viana |
Elena Matute aretoa |
19:30 |
|
IRAILAK 12 |
Guardia |
Euskaltegia |
19:30 |
|
IRAILAK 13 |
Oion |
Hegoalde aretoa |
09:00 |
|
IRAILAK 13 |
Oion |
Euskaltegia |
19:30 |
|
IRAILAK 14 |
Logroño |
El Fuero de Logroño hizkuntza eskola San Juan Pablo II kalea, 4 - 2.11 aretoa |
19:00 |
|
IRAILAK 15 |
Bastida |
Kultur etxea |
09:30 |
|
IRAILAK 15 |
Bastida |
Kultur etxea |
19:30 |
|
IRAILAK 19 |
Samaniego |
Osasun zentroa |
19:00 |
|
IRAILAK 19 |
Villabuena |
Kultur aretoa |
20:15 |
|
IRAILAK 20 |
Eltziego |
Irakasleen etxea |
10:00 |
|
IRAILAK 20 |
Eltziego |
Irakasleen etxea |
19:30 |
|
IRAILAK 21 |
Lantziego |
Gizarte etxea |
09:30 |
|
IRAILAK 21 |
Lantziego |
Gizarte etxea |
19:30 |
|
IRAILAK 22 |
Lapuebla |
Ikastola |
09:30 |
|
IRAILAK 22 |
Lapuebla |
Ikastola |
19:30 |
Gerturatzeko aukerarik ez duen jendeak Oiongo Diputazio kaleko 32. zenbakian dagoen euskaltegira jo dezake, edo telefonoz deitu 945 60 10 87 zenbakira; goizez, 10:00etatik 14:00etara, eta arratsaldez, 17:00etatik 20:00etara.
Bilera horien ostean eta matrikulazioa amaitu eta gero, irailaren azken astean, euskaltegiak ikaslegai guztiei banan-banan deituko die, maila bakoitzeko taldeak zein herritan eta zein ordutan sortuko diren esateko.
Ikasturtea urriaren 3an hasi eta ekainaren 29an amaituko da. Normalean, eskolak bi ordukoak izan ohi dira; gehienetan, astean zortzi ordukoak, baina sei edo laukoak ere izan ohi dira. Horrez gain, aurrez aurreko eskoletara joateko aukerarik ez dutenentzako, etxetik internet bidez ikasteko sistema bat ere eskaintzen du euskaltegiak, tutoretzez eta mintza-saioz osatuta.
Beraz, Arabako Errioxako ikasleek hiru aukera nagusi izango dituzte euskara ikasteko: aurrez aurreko ikasteredua; tutorizatutako autoikaskuntza, tutoretza eta mintza-saioak (aurrez aurre edo bideokonferentziaz); eta urrutiko aurrez aurreko talde irakaskuntza ikasteredua.
Adibidez, 2021/2022 ikasturtean 160 ikasle izan dira Arabako Errioxako euskaltegian; horietako 120 aurrez aurreko taldeetan, eta beste 40 modu telematikoan.
Kontzertua Oionen
Bestalde, klasetik kanpo euskara lantzeko helburuarekin, urtean zehar kultur ekitaldi ugari antolatu ohi du Arabako Errioxako euskaltegiak: txangoak, antzerkiak, hitzaldiak, afariak... Aurten, ekitaldi horietako lehenengoa ikasturtea hasi baino lehen izango da: igande honetan, irailaren 11n, 19:00etan Arabako Errioxako Eh, Mertxe! rock taldeak kontzertua eskainiko du Oiongo plazan.
Gainera, egunean zehar Oiongo tabernetako TestIKA txapelketan parte hartzen dutenen artean zozketa berezia egingo dute
