Gidaria Logroñoko LR-131 errepidean geldiarazi zuen Guardia Zibilak, telefonoz hizketan zihoan bitartean sigi-saga eginez gidatzen zihoalako. Guardia Zibilaren arabera, gizonari identifikatzeko eskatu ziotenean iraindu egin zituen, eta 'Menda Lerendako Errepublika Ibiltariko' diplomatikoa zela esan zien, eta immunitatea zuela errepublika subirano horretako kidea zelako. Gainera, 'Menda Lerenda Errepublika'ko NAN-a eta gidabaimen faltsuak erakutsi zizkien.
Identifikatu ondoren, guardia zibilek drogak antzemateko proba egin zioten gidariari, eta positibo eman zuen THCn. Gainera, marihuana-madalena batzuk jan zituela aitortu zien gizonak. Era berean, ibilgailuak IAT iraungita zuela ikusi zuten agenteek.
Gizonari 2.001 euroko isuna jarriko diote lau delitu ezberdinengatik –identifikatzeari uko egiteagatik, drogatuta gidatzeagatik, telefono mugikorra erabiltzeagatik eta IAT iraungita izateagatik–. Gidabaimenetik bederatzi puntu ere kenduko dizkiote.