Kutxabank zerbitzuak murrizten eta bulegoak ixten ari da azken urteeetan Araba osoan. Eltziegon, duela gutxi, iragarri dute herriko bulegoa astean egun batean bakarrik zabalduko dutela, eta erabaki horren aurrean Eltziegoko udalak elkarretaratzea deitu du hilaren 27an, 13:00etan.
Arabar Errioxa blogean jaso dutenez, 2019, 2020 eta 2021ean, Kutxabankek Arabako Errioxako bezeroak zerbitzurik gabe utzi zituen abuztuan, "bulego gehienak itxi zituenean", eta, ondorioz, Guardiara joan behar izan zuten edo Errioxako hiriburura jaitsi behar izan zuten herritarrek, aurrez aurreko kudeaketaren bat egiteko. "Bastidan eta Oionen, herritar askok kritika ugari egin zituzten sare sozialen bidez".