Luis Aldazabal Eltziegoko alkatea hil da, antza denez, etxean bihotzekoak jota. Gertatutakoaren berri izan eta gutxira, lehen adierazpenak egin ditu Ramiro Gonzalez Arabako ahaldun nagusiak: "Ziekoko alkatea Luis Aldazabal joan zaigu. Gaztea, biziz betea, bere herriari emana, kolpe handia da maite genuen guztiontzat, Eltziegorentzat eta Arabako Errioxa osoarentzat. Hurbileko alkate bat, auzokide bakoitzaren arazoak ezagutzen zituena. Goian Bego, Luis".
42 urte zituen Aldazabalek, eta nekazaria zen. Alkate gisa hirugarren legealdia zuen, Zieko Bai alderdi independentearekin. Sozialisten agitaldi luzearen ostean heldu zen taldea, aurretik oposizioan bi legealdi egon eta gero.
Ziekoko alkatea Luis Aldazabal joan zaigu. Joven, lleno de vida, entregado a su pueblo… es un golpe fortísimo para todos los que le queríamos, para Elciego y para toda Rioja Alavesa. Un alcalde cercano, que conocía los problemas de cada vecino. Goian Bego, Luis pic.twitter.com/P5ivxJEKMK
— Ramiro González (@ramirogonza) January 9, 2022