Lantziegoko El Mozo Wines upategiko Itxaso Compañon Arrieta izango da hemendik aurrera ABRA Arabako Errioxako Upategien elkarteko lehendakaria, Saul Gil Berzalen ordez. Elkartearen lehendakariordea izan da orain arte Compañon, eta Arabako Errioxako hainbat upategik bultzatu duten Arabako Mahastiak marka propioaren alde egin du.
Astelehen honetan bertan onartu da erreleboa elkartearen ezohiko batzar orokor batean. Guardiako Laukote upategiko Norberto Miguel Aguillo izango da hemendik aurrera lehendakariordea.