Elikagaien industriako azpiproduktuak pentsu bihurtzea, ekonomia zirkularreko planen bidez. Hori da Europako PRIMA programaren helburu nagusia; eta horretarako mahatsaren txortenak erabilgarri diren ikertuko dute. Azti zentro teknologikoa koordinatzen ari da nazioarteko proiektu hau, lau herrialdetan gauzatuko dena aldi berean: Egipton, Grezian, Espainiako Estatuan eta Turkian. Euskal Herriko Neiker zentro teknologikoak, Animalientzako Elikagai Konposatuen Fabrikatzaileen Espainiako Konfederazioak (CESFAC), Arabako Nekazaritza eta Abeltzaintza Elkarteak (UAGA), Baigorri upategiak eta Riera Nadeu industria-ekipamenduen hornitzaile enpresak ere parte hartzen dute.
Negozio-aukera berriak sortzeko asmoz, upategietako mahats txortenaren balorizazioa aztertuko dute, bigarren belaunaldiko elikagai gisa, hausnarkarientzako (ardiak eta esne-behiak) elikagai-osagai berri bat sortzeko.