San Prudentzioko ospakizunak guztiz desberdinak izango dira aurten, pandemia dela-eta, baina gutxienezko ekitaldi batzuk bederen mantendu dira Araban. Gasteizko ekitaldiez gain, Amurrion megafonia bitartez egingo dute danborrada baten itxura.
Oionen kasuan, iaz bezala, ospakizuna balkoietan egiteko deia egin dute, horiek apainduz. Baina umeei begira ere danborrada berezi bat antolatu dute ikastolan eta eskolan. Osasun neurriak mantenduta, haurrek erakutsi duten zintzotasuna saritu nahi dute.
"Aurten danborradako protagonistak haiek izango dira, oso ondo portatu zirelako kon finamendu luze horretan, eta oraindik ere primeran onartzen dituztelako osasun neurriak", adierazi du ohar batean Oiongo San Bizente Ikastolako Gartxo guraso elkarteak.
Hitzordua, noski, apirilaren 27an jarri dute: 15:30ean egingo dute umeen danborrada, ikastola eta eskola ondoko patioetan. Bertaratzea guztiz debekatuta dagoela gogoratu dute, baina, ikusi nahi duten guztiek aukera izango dute hori egiteko, ikastolaren Facebook orrialdean eta eskolaren web orrian.