Kripango Udalak eta Arabako Errioxako Kuadrillak bio-hondakinak etxez etxe biltzeko eta errefusa edukiontzi itxietan jartzeko proiektu pilotua aurkeztu dute, Kripanen sortutako hondakinen %85 gaika biltzeko asmoarekin.
Kuadrillak eta Udalak honako elementuak dituzten 130 birziklatze-kit banatu dituzte erabiltzaileen artean: identifikazio-irakurgailu bat duen kubo bat, gainerakoen edukiontzia irekitzen duen txartel bat eta konpostaje puntura sartzeko giltza.
Astelehenetan eta ostegunetan
Erabiltzaileek astelehen eta ostegunetan atera dezakete kubo marroia etxeko atera 11:00ak baino lehen; ordu horietan zaborra ateratzen ez duenak auzo-konpostaje gunea erabili ahal du banatu zaion giltzarekin. Jarraian, eskualdeko bilketa zerbitzuaz arduratzen den enpresak kuboak jaso eta auzo-konpostaje eremura eramaten ditu. Frakzio organikoaren tratamendu deszentralizatu honek ez dakar prozesamendu instalazio baten eraikitzeak eta hortaz, ez da inbertsio askorik egin behar.
Organikoen bilketa etxez etxe eskaintzen duen Arabako lehen udalerria da. Martxoaren 8an jarri zuten proiektu pilotua martxan, eta dagoeneko emaitza onak eman ditu Arabako Errioxako beste udalerri batzuei erantzun ahal izateko.