Segurtasun Sailak jakitera eman duenez, ezbeharra 17:15ean gertatu da, Navaridasen, A-4207 errepidean, Nissan Almera auto batek eta kamioi batek talka egin dutenean. Autoan zihoan pertsona bakarra barruan harrapatuta geratu da, eta bertan hilda aurkitu dute larrialdi zerbitzuko kideek.
Harotik (Errioxa) bidalitako anbulantziarekin batera, suhiltzaileak eta Ertzaintzako hainbat patruila ere bertaratu dira, baina gidariaren heriotza baieztatu besterik ezin izan dute egin. Larrialdietako taldeek behar bezala lan egin ahal izateko A-4207 errepidea erabat itxi dute.