Arabako Errioxan berrogeialdian dauden familien egoerak ematen ari dira, beren etxetik ateratzeko aukerarik gabe, eta, hortaz, oinarrizko erosketak egiteko aukerarik gabe. Horren aurrean, oinarrizko eta beharrezko produktuen etxez etxeko hornidura-zerbitzua eskaintzen hasiko dela iragarri du Arabako Errioxako Kuadrillak. Horretarako, hitzarmena sinatu du Guardiako Eroslearekin.
Zerbitzu hori jaso ahal izateko, ezinbestekoa da onuradunak bere etxeetatik ezin ateratzea, Covid-19a diagnostikatu zaiolako edo osasun-krisi horren ondorioz berrogeialdia ezarri zaiolako, eta bizilekua Arabako Errioxako muga geografikoan egotea. Onuraduna telefonoz jarri beharko da harremanetan bere udalarekin, oinarrizko gizarte-zerbitzuekin edo eskualdeko kuadrillarekin.
Erosleak bere gain hartu beharko du erositako salgaien kostua, eta kuadrilla arduratuko da garraioaren kostuaz.