Ezustekoa Samaniegon, PSEk EH Bilduri alkatetza emanda

Pili Garmendia izendatu dute Samaniegoko alkate. / EH Bildu Araba

Gasteizen Urtaran aukeratu dute alkate, bigarrenez.

Udal gobernuak osatu dira gaur Araban, eta ezustekorik ere izan da tartean. PSEk hautsi egin du EAJrekin duen ituna Samaniegon eta EH Bilduko hautagaia babestu du. Horrenbestez, EH Bilduk udalerri bat gobernatuko du lehenengoz Arabako Errioxan. Pili Garmendia izango da, beraz, hurrengo lau urteetako alkatea Samaniegon.

Iruña Okan ere ez da jeltzaleen eta sozialisten arteko hitzarmena errespetatu, baina Javier Martinez sozialistak eutsi dio makilari.

Urtaran alkate

Gasteizen, bestalde, Gorka Urtaran izendatu dute alkate, bigarrenez. Urtaranek EAJko 7 zinegotzien eta PSE-EEko 6 ordezkarien babesa jaso du, baina ez du gehiengorik lortu. EH Bilduko Miren Larrionek ere bere burua aurkeztu du inbestidura saioan, baina, alderdikideen babesa soilik jaso du, PPk eta Elkarrekin Podemosek zuri bozkatu baitute.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide