Bertako upategiak eta ardoak hobeto ezagutzera emateko helburuarekin, plazara aterako dira igandean. "Upategiak, kalez kale" izeneko egitasmoarekin, herritarrengana gerturatuko dira Bastidako zortzi upategi, eta euren ardoak dastatu ahal izango dira herriko hainbat plazatan.
Aitor Buendia kazetari gastronomikoaren pregoiak emango dio jaiari hasiera, 12:30ean, eta orduan irekiko dituzte zortzi saltokiak. Sei euroan, kopa bat eskuratu ahal izango da eta upategi desberdinen artean aukeratu: Tierra, Remelluri, Mitarte, Solaguen, Marques de Carrion, Torres, Gones eta Aimarez artean.
Upategien txokoekin batera, ez da faltako jaia girotuko duen musikarik egun guztian zehar.