Gasteizko gizonezko bat hil da Guardian, auto batek harrapatu ondoren. Eusko Jaurlaritzaren Segurtasun sailak azaldu duenez, igandean gertatu zen istripua, 19:20ean, A-124 errepidean Guardia parean. Anbulantzia bat bertara gerturatu zen eta osasun-langileak gizona suspertzen saiatu ziren, baina ez zuten lortu, eta bertan hil zen. Guardiako alkate Pedro Leonek azaldu duenez, hildako gizonezkoak etxea zuen herrian, eta oso ezaguna zen.
Guardia eta Logroño lotzen duen A-124 errepideak herrigunea inguratzen du; alde batetik bestera gurutzatzeko hainbat zebra-bide baldin badago ere, autoek abiadura handia hartzen dute zati batzuetan. Hain zuen, albiste agentziek aipatu dutenez, hildako gizona A-124 errepidea gurutzatzen ari zen herrigunera doan igogailua hartzeko, autoak harrapatu duenean.