Samaniegoko industrialdean hamabost nekazaritza-pabiloi kiskali ditu goizaldean piztu den sute batek. Arabako eta Errioxako suhiltzaileak lanean daude bertan. Aditzera eman dutenez, ez da inor zauritu.
Eusko Jaurlaritzaren Segurtasun sailaren arabera, goizaldeko laurak aldera piztu da sutea El Portillo izeneko toki batean, eta hortik zabaldu da gainerako pabiloietara. Oraindik ez dute argitu sutea nola piztu den.