Bertso artean joan da mahats bilketaren ospakizun jendetsua

25 urte eta gero, aurrenekoz, euskaraz zabaldu dute Arabako Errioxako Mahats Bilketaren Festa, Maialen Lujanbioren bertsoek lagunduta.

Goizetik jendez gainezka egon da Elvillar herria, dozenaka lagunek hartu baitituzte herriko kaleak Arabako Errioxako Mahats Bilketaren jaiarekin disfrutatzeko. Euskal Herriko Bertsolari Txapelketa Nagusiko txapeldunari, Maialen Lujanbiori, egokitu zaio festaren pregoia prestatzea, eta bertsotan egin du, hala behar zuen eta. Sasoikako langileen eta nekazarien lana nabarmendu du, eta Arabako Errioxako emakumeak ere gogoan izan ditu, Elvillarreko belagilean irudikatuta. Bertso-saioaren ostean, urteko lehen mahatsa zapaldu dute, eta lehenengo muztioa probatu dute. 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide