alea.eus

AHTa Arabako Errioxatik igarotzeko bi aukeretatik bat baztertu dute

Erredakzioa 2018-05-18 11:18   Ekonomia  Arabako Errioxa

Hainbat enpresarirekin egindako bilera batean egin du iragarpena PP alderdiko kide batek.

AHTa Arabako Errioxatik igarotzeko bi aukeretatik bat baztertu dute
Abiadura Handiko Trenak Arabatik egingo duen ibilbidea zehazteke dago. / Alea | Ikusi handiago | Argazki originala

Logroño eta Miranda de Ebro Abiadura Handiko Trenaren bitartez lotzeko aukeran dauden lau ibilbidetatik bat baztertu omen du Espainiako Sustapen Ministerioak. Ibilbide horrek Arabako Errioxatik igaro behar zuen. Oraindik hiru ibilbide geratzen dira aukeran, eta horietatik bat Arabako Errioxatik igaroko litzateke.

Momentuz ez da iragarpen ofiziala izan, Espainiako gobernuan dagoen alderdiko kide batek hainbat enpresariren aurrean egindako iragarpena baizik. ABRA Arabako Errioxako Upeltegien Elkarteak hainbat politikarirekin antolatutako ekitaldi batean eman du albistea Arabako popularren buru Iñaki Oiarzabalek.

Aukera alboratzeko, ibilbide horrek "ingurumenean" eta "paisaian" izango lituzkeen eraginak tartean daudela esan du politikariak. ABRA elkarteak begi onez ikusi du erabakia, baina Arabako Errioxatik igaroko litzatekeen bigarren ibilbidea alboratzeko ere eskatu du.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa