alea.eus

Aurki bideratuko du Lakuak Arabako Mahastiak sor markaren eskaria

Estitxu U. Lopez de Arkaute 2017-04-26 10:09   Ekonomia  Arabako Errioxa  Guardia

Aldundiaren eta Haziren aldeko txostena jaso du Arabako Mahastiak sortzeko proposamenak.

Aurki bideratuko du Lakuak Arabako Mahastiak sor markaren eskaria
Arabako Mahastiak sortzeko ekimena hartu dute Errioxako 40 upategik. PHOT.OK | Ikusi handiago | Argazki originala

Arabako Errioxako Upategien Elkarteak (ABRA) Eusko Jaurlaritzaren aurrean aurkeztu du jada Arabako Mahastiak sor-marka eratzeko dokumentazio ofizial guztia, eta honezkero uda baino lehen sor-marka berria eratzeko tramitazio ofiziala hasiko da. Izan ere, Garapen Ekonomiko eta Azpiegituren sailak adierazi du bi hilabeteko epean askoz jota tramitera onartuko duela eskaera, eta Espainiako Aldizkarian argitaratuko dutela. Ondoren alegazioak egiteko bi hilabeteko epea zabalduko dute.

Jaurlaritzan dokumentazioa aurkeztu baino lehen Arabako Aldundiaren eta Haziren aldeko txostenak jaso ditu ABRAren proposamenak.  Prozesu horretan hainbat zuzenketa egin behar izan dituzte mahastizaleek, teknikoek lau alderditan sakontzeko eskatu baitzieten: Errioxako sor-markarekin duten desberdintasunaren inguruan; Arabako Errioxaren berezitasun naturalak azpimarratzeko orduan; proposatzen dituzten hamabi ardo mota argitzeko atalean, eta sor-markak lurraldearekin duen  harremana azaltzeko atalean.Araban ekoiztutako ardoa babesteko proposamena ondo justifikatuta egotea bilatzen zuten Aldundiko teknikoek.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa