Uztaberri Eguna egingo dute larunbatean, hilaren 13an, Lapuebla de Labarcan. Herriko 10 upeltegik zabalduko dituzte euren ateak bisitariek uzta berria proba dezaten: hain zuzen ere, Goyo Garrido, Zugober, Casado Morales, Estraunza, Loli Casado, Cordoba Martinez, Covila, Harresi, Miguel A. Muro eta Sideralesek.
Egun osoko egitaraua prestatu dute: 11:00etan, ardo botilen irekitzeari buruzko 8. lehiaketa hasiko dute; eta ordu berean zabalduko dituzte txokoak; xaboia, ezti-ura, olibak, olio dastatzea, erroskillak eta ozpina dastatu ahalko dira horietan.
Txosnetan, berriz, upeltegi parte-hartzaileen saldak probatzeko aukera izango dute bisitariek. Eguerdian, ardo dastatzeak egingo dituzte, bi euroren truke; baita boloarena ere.
Upategietara bisita
Upategietara hiru bisita antolatu dituzte 12:30etik 13:30era bitartean. Bada, horra joan aurretik plazan dagoen informazio gunean sarrera erosi beharko da, sei euroan.
Egunari amaiera emateko, herri bazkaria izango da Jose Antonio Agirre parkean; eta 17:30ean, disko festa El Plano plazan.