Arabako Errioxako kuadrillako teknikari Raul Gartziak jakinarazi du 20 kilometro inguruko ibilbidea dela, laua eta erraza; edozeinentzako aproposa. Bost ordu inguru beharko dituzte parte-hartzaileek hori egin ahal izateko. Gartziak, dena dela, gogorarazi du ez dela derrigorrezkoa ibilaldi osoa egitea.
08:15ean, Mañuetan
Izen-ematea dagoeneko itxita baldin badago ere, ehun lagunetik gora eman dute izena, nahi duenak autoan ere joan ahal da. Izena eman ez dutenek Mañuetan dute hitzordua, 08:15ean; autobusean doazenek 08:00etan dute irteera Lapueblatik.
Ebro ibaiko bide naturalak hiru zatitan banatuta du Kuadrilla: Bastidakoa, Mañueta eta Lapuebla artekoa, eta Lapuebla eta Oion herriak lotzen dituena.