Asteburuan finkatutako giroak aste honen hasieran segida izango du. Hala, egunean zehar hodeiak eta ostarteak izango ditugu, baina arratsalde edo gau partean hodeiek partida irabaziko dute, eta ugarituko dira. Are, ordu horien bueltan euria eta guzti egin lezake. Eolo iparraldetik ariko da, eta freskoa askoz gehiago igarriko da, 2 eta 12 gradu arteko gradu tartea izango delako.
Astearteak lanbro eta lainoak ekarriko ditu egunaren hasieran. Eguerdi partean giroa eguzkitsua geratuko da, eta, beste behin, arratsaldean hodei gehiago azaldiko dira, ortzia tarteka hodeitsu geratuz. Haizean ez da aldaketarik egongo, eta setatsu mantenduko da, ipar osagaian. Tenperaturek zertxobait gehiago egingo dute gora, baina ez gehiegi: Gasteizen 4 eta 14 gradu artekoan ibiliko dira. 4 eta 14
Bidali eguraldiari buruzko zure argazkiak erredakzioa@alea.eus helbidera.