Asteazken hodeitsua izango dugu. Are, noizean behin zaparrada trumoitsuak bota ditzake, bereziki arratsaldearen amaieran. Hegoaldeko haizea izango dugu hasieran, baina arratsalderako ipar osagaian finkatuko da. Egun osoan zehar haizea nahiko zakar ibiliko da. Tenperaturei dagokienez, 15 eta 16 eta 27 gradu arteko alde termikoa izango dugu.
Zeru hodeitsuak mantenduko dira egunaren lehen partean, euri txikia egiteko aukerarekin. Arratsalderako, ordea, ostarteak zabalduko direla dio Euskalmetek. AEMETek, berriz, egun osorako hodeitza eta euria iragarri ditu. Haizea, oraingoan, egun osoan ipar osagaian finkatuta egongo da. Tenperaturak guztiz amilduko dira: Gasteizen termometroa 13 eta 16 gradu artean baino ez da mugituko.