Hodeiekin hasiko da asteazkena, baina, ondoren, horiek desagertzera joko dute, eta egun eguzkitsua geratuko bide da. Haizea bezperaren moduan ariko da, ipar osagaiarekin ufa eginez, eta bereziki arratsaldean bolada gogorrak izango ditu. Eguneko alde termikoa 14 eta 24 gradu artekoa izango da.
Aspaldiko partez, lanbro eta lainoak ikusi ahalko ditugu ostegun goizean, baina, goi mailetako tarte batzuk kenduta, orokorrean eguna eguzkitsua izango da. Eolo aldakor ibiliko da, indar askorik gabe; arratsaldean, ordea, ipar-ekialdean finkatuko da, zenbait tarte bizirekin. Maximoak dezente igoko dira, Gasteizen 12 eta 30 gradu arteko aldea espero baitute.