Hodeiak eta ostarteak tartekatuko dira aste berriari hasiera emango dion egun honetan. Haizea iparraldetik ariko da gehienetan, eta bereziki arratsaldean bolada gogorrak izango ditu. Termometroei dagokienez, maximoetan igarriko da aldaketa handiena: 10 eta 21 gradu arteko alde termikoa espero da Gasteizen.
Biharko eguna gaurkoaren kalko bat izango da, eguraldiari dagokionez. Izan ere, iraileko lehen egunerako hodeiak eta ostarteak iragarri dituzte meteorologoek. Eolo ere berdinetan egongo bide da, ipar osagaian finkatuta, arratsaldean bolada gogorrak hartuko dituelarik. Tenperaturak goranzko joeran mantenduko dira, 12 eta 23 gradu artean.