Giro eguzkitsua nagusi izango dugu egun gehienean, baina arratsaldean hodei batzuk agertuko dira. Eolo goizean hego-mendebaldetik ariko da, arratsaldean ipar osagaian finkatuko bada ere. Aurreko egunetakoa baino freskoagoa egongo da eguna, eguneko alde termikoa 11 eta 22 gradu artekoa izango baita.
Asteburuari begira, larunbatean goiz lanbro eta lainoak agertuko dira, baina, ondoren, giro eguzkitsua izango bide dugu. Goi hodeiak baino ez dira azalduko. Giro argitsu hori igande arratsaldera arte mantenduko da, baina ordu horien bueltan beste behin hodeiek ugaritzera egingo dute. Minimoa Gasteizen 12 graduan mantenduko da bi egunetan, eta termometroak gehienez 26 eta 27 gradu arteko langa joko du.