Hodei gutxiko eta bero handiko eguna izango dugu. Arratsaldean bero hodeiak pilatu daitezke, eta goizeko hego haizeak ipar osagaira joko du arratsaldean, indar gehiagorekin ufa eginez. Alerta laranja mantentzen da, muturreko tenperatura oso altuengatik. Gasteizen 17 eta 34 gradu arteko alde termikoa izango dute.
Ostegunean goiz lanbroa sor daiteke. Ondoren, zerua tarteka hodeitsu geratuko da. Eolo hegoaldetik ariko da goizean, eta ipar partetik arratsaldean. Tenperatura maximoak dezente jaitsiko dira, eguneko tartea 15 eta 27 gradu artean ibiliko baitira.