Berriz ere egun eguzkitsua izango dugu, goizean hodei batzuk agertuko diren arren. Haizea iparraldekoa izango da, eta arratsaldean bolada gogorrak izango ditu. Tenperaturei dagokienez, beroa izango dugun arren, ez da demasekoa izango, hiriburuan bederen 13 eta 26 gradu artekoan mantenduko baitira.
Asteazkenak hauts gandua izateko arriskua ekarriko du. Gainerakoan, giro eguzkitsua izango dugu. Bezperan bezala, haizea iparraldetik joko du, arratsaldean bolada gogorrak izango dituelarik. Tenperatura maximoek dezente egingo dute gora: hiriburuan 14 graduan hasi eta 30 graduraino iritsiko dira.