Erdi eta goi mailako hodeiek zerua partez estaliko dute gaur, berotasuna pixkatxo bat arinduz: tenperatura altuengatiko abisu horia Ebro ondoko eskualdera mugatuko da gaur. Gasteizen tenperatura 15 eta 28 gradu artean mantenduko da, baina, adibidez, Oionen aldea 17 eta 31 gradu artekoa izango da. Haizea aldakor ibiliko da hasieran, baina arratsaldeak aurrera egin ahala ipar osagaian finkatzen joango da, bolada gogorrekin.
Hodeiak ez dira guztiz desagertuko bihar, erdu eta goi mailetan mantenduz. Eolo antzera ariko da, norabide aldakorretik ufa eginez goizean, eta iparrean kokatuz arratsaldean, indar gehiago hartuta. Oraingoan abisu horiak Araba osoari eragingo dio: hiribururako aurreikuspena 14 eta 31 gradu artekoa izango da.