Eguna lanbro eta lainoekin hasiko da, baina, ondoren, Lorenzo jaun eta jabe izango da Arabako zeruetan. Egunean zehar bero dezente pilatuko denez, arratsaldetik aurrera bero hodeiak garatzeko aukera egongo da, baina ez dirudi hezetasuna ekaitz gisa botako dutenik. Haizea ipar osagaian finkatuta egongo da, eta tenperaturen tartea goiko langetatik mantenduko da, 14 eta 30 gradu artean.
Asteazkena ere bide beretik joango da: goizean goizeko lainoen ostean, giro eguzkitsua gailenduko da berriro. Beste behin, arratsaldetik aurrera bero hodeiak pilatu daitezke. Goizean Eolo hegoaldetik ariko da, eta iparretik arratsaldean. Tenperaturek are gehiago egingo dute gora, eguneko alde termikoa Gasteizen 15 eta 35 gradu artekoa izango baita.