Momentuz, kiskaltzen jarraitu beharko dugu, giro eguzkitsua eta bero handia bere horretan mantenduko direlako. Abisu horia ere gurekin geratzen da, muturreko tenperatura altuengatik zein baso sute arriskuagatik. Haizea ipar osagaikoa izango da, aparteko indarrik gabe. Tenperaturei dagokienez, zerbait jaitsiko dira, baina goiko mailetan mantenduz: 14 eta 30 gradu arteko alde termikoa izango dute Gasteizen.
Asteburuan bederen, hodei gehiago egongo dira, ostarteekin batera. Larunbat arratsaldean bero hodeiak pilatu daitezke, baina ez dute ekaitzik iragarri. Igande goizean, lanbro eta lainoak agertuko dira, eta batez ere goizean zerua tarteka hodeitsu egongo da. Tenperaturak dezente jasangarriagoak izango dira asteburuan, 13 / 27 eta 11 / 23 gradu arteko aldeekin.
Bidali eguraldiari buruzko zure argazkiak erredakzioa@alea.eus helbidera.