Zenbait lekutan lainoa eta lanbroa agertuko dira, baina, behin horiek altxatuta, zerua hodei gutxirekin geratuko da. Egongo direnak goi mailakoak izango dira. Eolo ahul-bizi ariko da, ipar-ekialdeko osagai nagusiarekin. Termometroetan igarriko da aldaketa handiena, tenperaturek gora jarraituko dutelako: hiriburuan 12 eta 24 gradu arteko alde termikoa espero da.
Goizeko lanbroak ate joka egongo dira ere ostegunean, eta bezperako patroia errepikatuko da: zerua hodei gutxirekin edo erabat oskarbi egon daiteke. Oraingoan, ordea, haizea hegoaldetik ariko da gehienetan; ahul-bizia izango da, baina zenbaitetan bolada gogorrak izango ditu. Maximoak ia puntu gorenera iritsiko dira, 12 graduan hasi eta 30 graduraino.