Atzo arratsaldean hasitako aldaketa gaur gauzatu da azkenean, zeru hodeitsuekin hasi baita eguna, eta bide beretik jarraituko bide du. Euria ere egin dezake noizean behin. Haizea ipar-mendebaldean finkatuta mantenduko da, eta, bereziki arratsaldean, bolada gogorrak izango ditu. Tenperaturek beheranzko joeran jarraituko dute, 7 eta 16 gradu arteko aldearekin.
Beste horrenbeste ekarriko du ostegunak: orduan ere zeru hodeitsuak espero dira, eta arratsaldean izango da euria egiteko arrisku handiena. Osagai berean mantenduko da Eolo, ipar-mendebaldean, bolada gogorrekin. Tenperatura maximoak are gehiago jaitsiko dira, 7 graduan hasi eta 14ra baino ez baita igoko galinstantoa.
Bidali eguraldiari buruzko zure argazkiak erredakzioa@alea.eus helbidera.