Hodeiak eta ostarteak izango dugu jai egunez zipriztindutako aste honen hasierako egunean, Halere, eta bero asko pilatu ohi den egun gehienetan bezala, arratsalderako bero hodeiak pilatu daitezke, metatutako hezetasuna ekaitz gisa botatzeko arriskuarekin. Eolo ipar osagaian mantenduko da, eta tenperatuak aldaketa askorik gabe mantenduko dira: 11 eta 23 gradu artean egongo dira.
Barraskilo jaleen egun handian, berriz, zeru hodeitsuak egongo dira, baina ez dirudi, goizean bederen, euria egingo duenik, egun ona igarotzeko aukerak bermatuz. Arratsaldearekin, berriz, beste behin bero hodeiak pilatuko dira zeruan, noizbehinka zaparrada trumoitsuak botatzeko aukerarekin. Oraingoan ere ipar haizea izango dugu, eta Armentian bezperako tenperatura tarte berdina izango dute, 11 eta 23 gradu artekoan.