Aspaldiko partez, zerua tarteka hodeitsu izango dugu gaur, eta noizean behin zaparrada trumoitsuren bat bota dezake. Haizea gehienetan hegotik ibiliko da goizean, baina ipar osagaian finkatuko da arratsaldearekin batera. Eguzkiaren falta ez da larregi igarriko tenperaturetan, oraindik nahiko epelak izango baitira: 10 eta 23 gradu artekoak.
Asteburuan, goizetako laino eta lanbroak bueltatuko dira, eta, batez ere larunbatean hodeiak mantenduko dira. Igandean, ordea, giro eguzkitsua nagusituko da berriz. Bi egunetan tenperaturek eutsiko diote, 8 / 22 eta 8 / 24 gradu artekoa izango baita asteburuko alde termikoen aurreikuspena.