Bai gaur zein bihar hauts gandua eta goizean goizeko lainoak izango ditugu, horrek ikusgarritasunean eragin ditzakeen arazoekin. Gainerakoan, gaur zeruan goi hodei batzuk baino ez dira ikusiko, baina, arratsaldearekin batera, bero hodeiak sor daitezke ere, ekaitz trumoitsuak izateko arriskuarekin. Hegoaldeko haizea ahul bizi ibiliko da, eta maximoek goia joko dute: hiriburuan 11 eta 29 gradu arteko alde termikoa izango dute.
Asteazkenak bide beretik egingo du, goizean, laino eta hauts ganduarekin. Bezperan baino hodei gehiago izango ditugu, atmosferaren erdi eta goi mailetan. Eolo bere horretan mantenduko da, hegoaldetik eta ahul-bizi, arratsaldean ipar osagaian finkatuko bada ere. Tenperatura maximoak dezente jaitsiko dira, eguneko tartea 9 eta 22 gradu artean geratuz.