Atzo baino hodei gehiago izango ditugu gaurkoan. Goizeko lainoez, gain, erdi eta goi mailako hodeiak ikusiko dira zeruan, kotoi itxuran. Are, arratsaldean zaparradaren bat bota dezakeela zio Euskalmetek. Mendebaldeko osagaiko haize ahul-bizia ariko da goizean, eta ipar partekoa arratsaldean. Beroa mantenduko da, 9 eta 26 gradu arteko aldearekin.
Asteburuari begira, zeru hodeitsuak izango ditugula diote honetaz dakitenek. AEMETen arabera hodeitza larunbat goizean bilduko da, baina, gainerako uneetan, hodeitza ez da horren trinkoa izango. Euskalmetek dio zaparrada trumoitsuak bota ditzakeela, batez ere igande arratsaldean. Oro har, beroa mantenduko da, 9 / 23 eta 9 / 26 gradu arteko alde termikoekin.