Zerua hodeitsu edo oso hodeitsu mantenduko da, eta euri txikia egin dezake ere. Eolo iparraldeko eta ipar-mendebaldeko osagaian egongo da, eta ahul bizi ariko da, zenbait bolada gogorrekin. Termometroetan, 6 eta 13 gradu arteko alde termikoa ikusiko dugu.
Osteguna bide beretik joango da, zeru hodeitsuekin eta euri txikiekin. Bi aukera daude: eguna egun berdin-berdintsua izatea, edo Euskalmetekoek dagoeneko oporrak hartu izana. Haizea azken egunotako osagai eta abiadura berdinean ariko da. AEMETen arabera, Gasteizerako tenperaturak 5 eta 12 gradu artekoak izango dira.