Asteburuak utzitako eguraldi aldaketak segida izango du datozen egunotan. Hala, zeru oso hodeitsuak izango ditugu, eta prezipitazio txiki-ertainekin batera etorriko dira horiek. 1.000 metrotik gorakoen kasuan elur gisa erori daitezke. Haizea ipar-mendebaldekoa izango da, ahul-bizia, eta bolada gogorekin. Alde termikoa 4 eta 11 gradu artekoa izango da hiriburuan.
Antzeko giroa utziko digu astearteak, zeru oso hodeitsu edo estaliekin. Batez ere egunaren lehen partean euri txikia egin dezake. Eolo bezperako osagai eta abiadura berdinean arituko da, zakar. Minimoek zertxobait egingo dute gora, 6 eta 11 gradu artekoekin. Elurrak, berriz, desagertzera egingo du, kota 1.500 metroren langan kokatuko baita.