Atzo arratsaldean hasitako aldaketa finkatuko da gaur. Izan ere, goizean goizeko lanbro eta lainoen ostean, giro eguzkitsua nagusi izango da. Eolok du aparteko indarrik erakutsiko, eta aldakor ibiliko da. Tenperaturen tartea, hori bai, atzokoa baino dezente txikiagoa izango da, 4 eta 12 gradu arteko aldearekin.
Bihar ere egunak lanbro eta lainoez zipriztinduta argituko du, baina erdiko orduetan hodeitza trinkotzen joango da; are, arratsaldeak aurrera egin ahala euri txikia egin ahalko du ere. Haizeak iparretik joko du, eta bolada gogorrekin egingo du, gainera. Termometroa 4 eta 9 gradu artekoan ibiliko da.