Laino eta lanbroekin esnatuko da osteguna, eta ondoren zerua tarteka hodeitsu geratuko da, behe hodeiekin. Goizak aurrera egin ahala horiek gutxitzera joko dute, argiago geratu arte. Norabide aldakorreko haize ahula izango dugu, alde termiko dezente zabalarekin: Gasteizen 6 eta 19 gradu artekoa izango da.
Kontrako norabidea hartuko do ostiralak: goizean erdi eta goi mailako hodeiak izango ditugu, eta egunaren bigarren zatian horiek ugaritzera egingo dute, oso hodeitsu geratu arte. Hodeiak ez ezik, zaparrada txiki edo ertainak ere bota ditzake. Haizea bezperan baino zakarrago ibiliko da; hegoaldetikoa izango da hasieran, baina eguna bukatzean ipar osagaian finkatuta egongo da. Tenperaturak antzera mantenduko dira, 5 eta 18 gradu artean.