Atzo arratsaldean hasitako aldaketa guztiz gauzatu da gaur, eta hala jarraituko du, zeru hodeitsuekin eta zaparrada ugarirekin. Hauts gandua, bederen, garbituko du. Hegoaldeko osagaia alde batera utzi eta iparraldekoa hartuko du haizeak. Tenperaturetan ere, alde nabarmena egongo da aurreko egunekiko, galinstanoa soilik mugituko baita 7 eta 10 gradu arteko tarte labur batean zehar.
Astebururako ere antzeko giroa espero da. Hala, larunbata oso hodeitsu mantenduko da, noizbehinka euria izango dugularik. Alde termikoa dezente zabalagoa izango da, Gasteizen 5 eta 15 gradu artekoa izango baita. Igandean hodeitza are trinkoagoa izango dela dio Euskalmetek, eta orduan ere euria egin dezake. Egun horretan, tenperaturak pixka bat jaitsiko dira, egunaren alde termikoa 4 eta 13 gradu artekoan geratuz.