Asteazkenak lanbro eta lainoak ekarriko ditu hasieran, baina, ondoren, hodeiak eta ostarteak tartekatuko dira. Eolo hegoaldetik ariko da, zenbaitetan indar handiarekin. Termometroetan, 4 eta 20 gradu arteko alde termikoaz gozatzeko moduan egongo gara, Gasteiz erreferentziatzat hartuta.
Osteguna oso antzera etorriko da, laino eta lanbroekin, eta hodei gutxiko zeruarekin. Hodei horiek goi mailakoak izango dira. Haizeak ez du osagaia aldatuko, hegoaldekoan mantenduko baita. Eta, AEMETen arabera, bezperako tenperatura tarte berdina izango dugu, 4 eta 20 gradu artekoa.